പ്രമുഖ ആഗോള സ്മാര്‍ട്ട് ബ്രാന്‍ഡായ ഒപോ അവരുടെ ഫ്‌ലാഗ്ഷിപ്പ് സീരീസിലേക്ക് റെനോ 7 പ്രോ 5ജി, റെനോ 7 5ജി എന്നിവ അവതരിപ്പിച്ചു. പോര്‍ട്രെയിറ്റ് ഫോട്ടോഗ്രാഫിയിലും വീഡിയോഗ്രാഫിയിലും പുതിയ നാഴികകല്ലു കുറിച്ചുകൊണ്ടാണ് റെനോ 7 ശ്രേണി അവതരിപ്പിക്കുന്നത്.
'പോര്‍ട്രെയിറ്റ് എക്‌സ്‌പേര്‍ട്ടായ' റെനോ7 പ്രോ 5ജി ഓണ്‍ലൈനിലും പ്രമുഖ റീട്ടെയിലുകളിലും ലഭ്യമാണ്. ഓള്‍റൗണ്ടര്‍ റെനോ7 5ജി ഫ്‌ളിപ്പ്കാര്‍ട്ടില്‍ മാത്രമായിരിക്കും ലഭ്യമാകുക.

ഒപോ റെനോ7 പ്രോയുടെ 32എംപി സെല്‍ഫി കാമറയ്ക്ക് ഐഎംഎക്‌സ് 709 പിന്തുണയുണ്ട്. സോണിയുമായി സഹകരിച്ച് വികസിപ്പിച്ച ആര്‍ജിബിഡബ്ല്യു (റെഡ്, ഗ്രീന്‍, ബ്ലൂ, വൈറ്റ്) സെന്‍സറാണ് ഇതിന്റെ പ്രത്യേകത. റെനോ7 ശ്രേണിയില്‍ എഐ സവിശേഷതയുമുണ്ട്. ഒരു സീനിലെ പ്രകാശത്തിനനുസരിച്ച് കാമറ സെറ്റിങ്‌സ് മാറ്റുന്നതാണ് കാമറയിലെ ഈ എഐ സവിശേഷത. ഉപയോക്താക്കള്‍ക്ക് 25 തലങ്ങളില്‍ കാമറയില്‍ അഡ്ജസ്റ്റ്‌മെന്റുകള്‍ നടത്താനാക്കും.

കാമറ മോഡ്യൂളിലും ഒപോ മാറ്റം വരുത്തിയിട്ടുണ്ട്. പുതിയ ട്വിന്‍ മൂണ്‍ കാമറ രൂപകല്‍പ്പനയില്‍ ആദ്യ പകുതി മെറ്റല്‍ കൊണ്ട് അലങ്കരിച്ചിരിക്കുന്നു. താഴെ ഭാഗത്ത് സെറാമിക് കോട്ടിങാണ്.

ഒപോ റെനോ 7 പ്രോ 5ജി ഫോണിന് 39,999 രൂപയും ഓള്‍റൗണ്ടര്‍ റെനോ 7 5ജി ഫോണിന് 28,999രൂപയുമാണ് വില.