വടകര: ബുസ്താനുല്‍ ഉലൂം ഹയര്‍സെക്കന്‍ഡറി മദ്‌റസയില്‍ കഴിഞ്ഞ വര്‍ഷത്തെ പൊതുപരീക്ഷയില്‍ എട്ടാം റാങ്ക് നേടിയ ഫാത്വിഷെറിനെയും ഡിസ്റ്റിങ്ഷന്‍ നേടിയ 26 വിദ്യാര്‍ഥികളെയും അധ്യാപകരെയും അനുമോദിച്ചു. വടകര ജുമുഅത്ത് പള്ളി ദര്‍സ് കമ്മിറ്റിയും ഖത്തര്‍ കെ.എം.സി.സിയും ചേര്‍ന്നാണു പരിപാടി സംഘടിപ്പിച്ചത്.
ചടങ്ങ് ഡോ. അബ്ദുല്‍ ലത്തീഫ് നദ്‌വി ഉദ്ഘാടനം ചെയ്തു. വിദ്യാര്‍ഥികള്‍ക്കുള്ള ബാഫഖി തങ്ങള്‍ സ്മാരക അവാര്‍ഡുകളും അധ്യാപകര്‍ക്കുള്ള ശംസുല്‍ ഉലമാ സ്മാരക അവാര്‍ഡുകളും കോഴിക്കോട് വലിയ ഖാസി മുഹമ്മദ് ജമലുല്ലൈലി തങ്ങള്‍ സമ്മാനിച്ചു. ഖത്തര്‍ കെ.എം.സി.സിയുടെ സ്വര്‍ണമെഡല്‍ അന്‍വര്‍ ബാബു നല്‍കി. പ്രസിഡന്റ് പി ഹസന്‍കുട്ടി ഹാജി അധ്യക്ഷനായി. സാജുസമീര്‍ അസ്ഹരി വിഷയാവതരണം നടത്തി. സദര്‍ മുഅല്ലിം ഇ.പി.എ അസീസ് ബാഖവി, എം. മുനീര്‍ യമാനി സംസാരിച്ചു.