ജിദ്ദ: സഊദിയിൽ വിമാന സർവിസുകൾ സാധാരണ നിലയിൽ എത്തുക രാജ്യത്തെ എഴുപത് ശതമാനം ആളുകളും വാക്സിൻ സ്വീകരിച്ച ശേഷം ആയിരിക്കുമെന്ന് ആരോഗ്യ മന്ത്രാലയ അണ്ടർ സെക്രട്ടറി ഡോ അബ്ദുല്ല അൽഅസീരി പറഞ്ഞു.

അൽഖലീജിയ ചാനലിന് നൽകിയ പ്രത്യേക അഭിമുഖത്തിലാണ് ആരോഗ്യ സഹമന്ത്രി കൂടിയായ ഡോ.അബ്ദുല്ല അൽഅസീരി ഇത് വ്യക്തമാക്കിയത്. രാജ്യത്തെ എഴുപത് ശതമാനം ആളുകളും വാക്സിനെടുത്താൽ കൊവിഡ് നിയന്ത്രണങ്ങളിൽ അയവ് വരുത്തുന്നതോടെ വിമാന സർവിസുകളും സാധാരണ നിലയിലായാക്കും.

രാജ്യത്തെ ഭൂരിഭാഗം ആളുകളും വാക്സിൻ സ്വീകരിക്കുന്നതോടെ രാജ്യത്തെ കൊവിഡ് വ്യാപനം കുറയ്ക്കാനാകും. ഈ വർഷത്തെ വേനൽ കാല അവധിയിൽ സഊദികൾക്ക് യാത്ര ചെയ്യാനാകുമെന്നാണ് കരുതുന്നതെന്നും അദ്ദേഹം പറഞ്ഞു.