റിയാദ്: സഊദിയിൽ കോവിഡ് നിയമ ലംഘനം നടത്തി മത പഠന ക്ലാസ് നടത്തിയ സംഭവത്തിൽ പ്രഭാഷകനെതിരെയും പങ്കെടുത്തവർക്കെതിരെയും നടപടികൾ സ്വീകരിച്ചു. ദൗമത്തുൽ ജൻദലിലാണ് സംഭവം. അൽജൗഫ് പൊലീസാണ് കൊവിഡ് ലംഘനം നടത്തി ഒരുമിച്ച് കൂടിയതിനെതിരെ നടപടികൾ സ്വീകരിച്ചത്.

   കൊവിഡ് പശ്ചാലത്തിൽ കൂട്ടം കൂടരുതെന്ന മുന്നറിയിപ്പ് അവഗണിച്ചതിനെ തുടർന്നാണ് നടപടി സ്വീകരിച്ചതെന്ന് ജില്ലാ പോലീസ് വക്താവ് യസീദ് അൽ നൗമിസ് പറഞ്ഞു. പ്രഭാഷകനെതിരെയും പങ്കെടുത്ത മുഴുവൻ ആളുകൾക്കെതിരെയും നിയമ നടപടികൾ സ്വീകരിച്ചതായി അദ്ദേഹം പറഞ്ഞു.