തൃശൂര്‍: ചേര്‍പ്പ് കടലാശേരിയില്‍ വയോധിക ദുരൂഹസാഹചര്യത്തില്‍ മരിച്ച സംഭവത്തില്‍ ചെറുമകനെ പൊലിസ് കസ്റ്റഡിയിലെടുത്തു. കടലാശേരി ഊമന്‍പിള്ളി വീട്ടില്‍ പരേതനായ വേലായുധന്റെ ഭാര്യ കൗസല്യ(78) മരിച്ച സംഭവത്തില്‍ ചെറുമകന്‍ ഗോകുല്‍ ആണ് പിടിയിലായത്.

സ്വര്‍ണം തട്ടിയെടുക്കാന്‍ ലക്ഷ്യമിട്ടായിരുന്നു കൊലപാതകം. കൗസല്യയെ തലയണ ഉപയോഗിച്ച് ശ്വാസംമുട്ടിച്ച് കൊന്നെന്ന് പ്രതി പൊലിസിനോട് വെളിപ്പെടുത്തി.

കഴിഞ്ഞ ദിവസമാണ് വയോധികയെ ദുരൂഹ സാഹചര്യത്തില്‍ വീട്ടിലെ കട്ടിലില്‍ മരിച്ച നിലയില്‍ കണ്ടെത്തിയത്.