പറവൂര്‍: ഇന്‍ഫന്റ് ജീസസ് പബ്‌ളിക് സ്‌കൂള്‍ വടക്കന്‍ പറവൂരിലെ കുട്ടികള്‍ തയ്യാറാക്കിയ ഇലക്‌ട്രോണിക് വോട്ടിങ്ങ് സോഫ്റ്റ് വെയര്‍ ശ്രദ്ധേയമായി. കമ്പ്യൂട്ടര്‍ സയന്‍സില്‍ പഠിക്കുന്ന അമല്‍ ഫ്രാങ്ക്‌ളിനും, കൊമേഴ്‌സിലെ വിനീത് മേനോനും ചേര്‍ന്നാണ് സോഫ്റ്റ് വെയര്‍ രൂപകല്‍പന ചെയ്തത്.
സ്‌കൂളിലെ ഹെഡ് ബോയ്, ഹെഡ് ഗേള്‍ തെരെഞ്ഞെടുപ്പിനാണ് കുട്ടികള്‍ തയ്യാറാക്കിയ ഈ യന്ത്രം ഉപയോഗിച്ചത്. ബാലറ്റ് തെരെഞ്ഞെടുപ്പിനേക്കാള്‍ സമയ ലാഭവും ലളിതവുമാണ് യന്ത്രം ഉപയോഗിച്ചുളള വോട്ടിങ്.
കുട്ടികള്‍ക്കായി കുട്ടികള്‍ നിര്‍മിച്ച ഈ സോഫ്റ്റ് വെയര്‍ ചിന്താശക്തിയും കഴിവുകളും വര്‍ധിപ്പിക്കാന്‍ പര്യാപ്തമാണെന്ന് പ്രിന്‍സിപ്പള്‍ നാന്‍സി ജോര്‍ജ്ജ് പറഞ്ഞു. സ്‌കൂളിലെ കമ്പ്യൂട്ടര്‍ വിഭാഗത്തിലെ അധ്യാപകര്‍ കുട്ടികള്‍ക്ക് വേണ്ട സഹായങ്ങള്‍ ചെയ്തിരുന്നു.