കോട്ടയം: ചങ്ങനാശേരി സീറ്റിനെച്ചൊല്ലി എല്‍.ഡി.എഫില്‍ തര്‍ക്കം മുറുകുന്നു. മുന്നണിയിലെ മൂന്ന് പാര്‍ട്ടികള്‍ അവകാശവാദമുന്നിയിച്ച് എത്തിയതോടെയാണ് സി.പി.എം പ്രതിരോധത്തിലായിരിക്കുന്നത്.

ചങ്ങനാശേരി ലഭിച്ചില്ലെങ്കില്‍ കാഞ്ഞിരപ്പള്ളി വിട്ടുകൊടുക്കില്ലെന്ന് സി.പി.എമ്മിനോട് സി.പി.ഐ വ്യക്തമാക്കിയിട്ടുണ്ട്. അതേസമയം, ചങ്ങനാശേരി വേണമെന്ന് ജോസ് കെ മാണിയും ജനാധിപത്യ കേരള കോണ്‍ഗ്രസും വ്യക്തമാക്കിയിട്ടുണ്ട്.

തങ്ങളുടെ സിറ്റിങ് സീറ്റാണെന്ന നിലപാടാണ് ജോസ് കെ.മാണി വിഭാഗത്തിനുള്ളത്. ഇവിടുത്തെ നിലവിലെ എം.എല്‍.എ അന്തരിച്ച സി.എഫ് തോമസാണ്. യു.ഡി.എഫിലായിരുന്നപ്പോള്‍ മാണി വിഭാഗം മത്സരിച്ച മണ്ഡലമാണിത്.