പാലക്കാട്: ബി.ജെ.പി ഔദ്യോഗിക സ്ഥാനാര്‍ഥി പ്രഖ്യാപനം നടത്തിയില്ലെങ്കിലും ഇ ശ്രീധരന്‍ പാലക്കാട് തെരഞ്ഞെടുപ്പ് പ്രചാരണം ആരംഭിച്ചു. ജയിച്ചാല്‍ പാലക്കാടിനെ അഞ്ചു വര്‍ഷം കൊണ്ട് ഇന്ത്യയിലെ മികച്ച പട്ടണമാക്കുമെന്നും അദ്ദേഹം പറഞ്ഞു. 

രാഷ്ട്രീയമല്ല, നാടിന്റെ വികസനമാണ് ലക്ഷ്യം. പാലക്കാട്ടെ യുവാക്കളില്‍ തനിക്ക് വിശ്വസമുണ്ട്. രാജ്യത്ത് വിദ്യാസമ്പന്നരായ ആളുകള്‍ക്ക് തൊഴിലവസരങ്ങള്‍ നല്‍കാന്‍ സഹായിക്കും വിവാദങ്ങളല്ല വികസനമാണ് തന്റെ പ്രചരണം. പ്രായക്കൂടുതല്‍ അനുഭവസമ്പത്താകുമെന്നും അദ്ദേഹം പറഞ്ഞു. 

ബി.ജെ.പിക്ക് ഇപ്രാവശ്യം ഭരണം പിടിച്ചെടുക്കാന്‍ സാധിക്കുമെന്ന് തനിക്ക് ആത്മവിശ്വാസമുണ്ട്. എല്‍.ഡി.എഫിന് തുടര്‍ഭരണം ഉണ്ടാകില്ലെന്നും അഴിമതിയും സ്വജനപക്ഷപാതവുമാണ് കഴിഞ്ഞ അഞ്ചുവര്‍ഷമായി സര്‍ക്കാര്‍ നടത്തിയതെന്നും ശ്രീധരന്‍ പറഞ്ഞു.