ആലപ്പുഴ: ഫിഷറീസ് വകുപ്പും മത്സ്യഫെഡും സംയുക്തമായി മത്സ്യത്തൊഴിലാളി സഹകരണ സംഘങ്ങളുടെ സഹകരണത്തോടെ ജില്ലയില്‍ പ്രവര്‍ത്തനത്തിലുള്ള കടല്‍ മത്സ്യബന്ധന ഗ്രൂപ്പുകളുടെ വിവര ശേഖരണം നടത്തുന്നു. മത്സ്യബന്ധനഗ്രൂപ്പുകള്‍ തങ്ങളുടെ വള്ളം, എഞ്ചിനുകള്‍,വല തുടങ്ങിയവയുടെ വിവരങ്ങളും വള്ളത്തില്‍ തൊഴില്‍ ചെയ്യുന്ന  മത്സ്യത്തൊഴിലാളികളുടെ വിവരങ്ങളും നിശ്ചിതഫാറത്തില്‍ ഓഗസ്റ്റ് 27നകം ബന്ധപ്പെട്ട മത്സ്യത്തൊഴിലാളി സഹകരണ സംഘത്തില്‍ നല്‍കണം. ഓഗസ്റ്റ് 22 മുതല്‍ 27വരെ സഹകരണ സംഘങ്ങളില്‍ നിന്ന് വിവരശേഖരണ ഫാറങ്ങള്‍ സൗജന്യമായി  ലഭിക്കും. മത്സ്യത്തൊഴിലാളികള്‍ക്ക് മണ്ണെണ്ണ പെര്‍മിറ്റുകളും മറ്റ് ആനുകൂല്യങ്ങളും ലഭിക്കുന്നതിന് ഈ വിവരശേഖരണം അടിസ്ഥാനമാക്കും.