കണ്ണൂർ
മൂന്നുവയസുകാരനെ അങ്കണവാടിയിലെ ഹെൽപർ കെട്ടിയിട്ട് മർദിച്ചതായി പരാതി. തോട്ടട കിഴുന്നപ്പാറയിലാണ് സംഭവം. കിഴുന്നപ്പാറയിലെ മർദനമേറ്റത്. പോടാ എന്ന് വിളിച്ചതിനാണ് കുട്ടിയെ മർദിച്ചതെന്നാണ് പിതാവ് ചൈൽഡ് ലൈനിൽ നൽകിയ പരാതിയിൽ പറയുന്നത്.
ബേബി എന്ന് പേരുള്ള ആയക്കെതിരെയാണ് പരാതി. നേരത്തെയും ഇവർ കുട്ടിയെ മർദിച്ചിരുന്നുവെന്നും കുട്ടിയുടെ ദേഹത്ത് തേയ്ക്കാനായി പച്ചമുളക് കരുതി വച്ചിരുന്നതായും പരാതിയിൽ പറഞ്ഞു. അങ്കണവാടി വിട്ടു വന്ന കുട്ടി കൈ വേദനിക്കുന്നതായി പറഞ്ഞപ്പോഴാണ് വീട്ടുകാർ സംഭവം അറിയുന്നത്.
പിന്നീട് വർക്കറുമായി ബന്ധപ്പെട്ടപ്പോൾ ഹെൽപർ അടിച്ചതെന്ന് വ്യക്തമായെന്നും രക്ഷിതാക്കൾ പറഞ്ഞു. ചൈൽഡ് ലൈൻ ഉദ്യോഗസ്ഥർ കുട്ടിയെ സന്ദർശിച്ചു.