കരുനാഗപ്പള്ളി: മാറുന്ന കാലത്തിനുസരിച്ച് വിജ്ഞാനം ആര്‍ഝിക്കാന്‍ അധ്യാപകരേയും തയാറാക്കുക എന്ന ലക്ഷ്യത്തോടെ ആധുനിക അധ്യാപക പരിശീലന പദ്ധതിക്ക് സര്‍ക്കാര്‍ തുടക്കം കുറിക്കുമെന്ന് വിദ്യാഭ്യാസ മന്ത്രി പ്രൊഫ. സി രവീന്ദ്രനാഥ്. കരുനാഗപ്പള്ളി ഗേള്‍സ് ഹൈസ്‌കൂളിന് ലഭിച്ച ഐ.എസ്.ഒ അംഗീകാരം സമര്‍പ്പണ യോഗം ഉദ്ഘാടനം ചെയ്യുകയായിരുന്നു മന്ത്രി. ഐ.എസ്.ഒ അംഗീകാരപത്രം മന്ത്രി സ്‌കൂള്‍ ഹെഡ്മിസ്ട്രസ് എല്‍. ശ്രീലതയ്ക്ക് കൈമാറി. സ്‌കൂള്‍ മാനേജിങ് കമ്മിറ്റി പ്രസിഡന്റ് എ.കെ രാധാകൃഷ്ണപിള്ള അധ്യക്ഷനായി.