ബംഗളൂരു: ഉക്രൈനില്‍ ഷെല്ലാക്രമണത്തില്‍ കൊല്ലപ്പെട്ട എം.ബി.ബി.എസ് വിദ്യാര്‍ഥി നവീന്‍ ശേഖരപ്പയുടെ മൃതദേഹം മെഡിക്കല്‍ പഠനത്തിന് നല്‍കുമെന്ന് പിതാവ് ശേഖരപ്പ. മൃതദേഹം നാളെ ബംഗളൂരു വിമാനത്താവളത്തിലെത്തിക്കുമെന്നും അദ്ദേഹം അറിയിച്ചു.

മെഡിക്കല്‍ രംഗത്ത് എന്തെങ്കിലുമൊക്കെ ചെയ്യണമെന്നാഗ്രഹിച്ച തന്റെ മകന് അതിന് സാധിച്ചില്ല. അതിനാലാണ് മൃതദേഹം മെഡിക്കല്‍ വിദ്യാര്‍ഥികള്‍ക്ക് പഠനത്തിന് നല്‍കാന്‍ തീരുമാനിച്ചതെന്നും ശേഖരപ്പ വ്യക്തമാക്കി.