പാലക്കാട്: മണ്ണാര്‍ക്കാട് തച്ചമ്പാറയില്‍ ഗ്യാസ് ടാങ്കറും ചരക്ക് ലോറിയും കൂട്ടിയിടിച്ച് ഒരാള്‍ മരിച്ചു. ചരക്ക് ലോറിയുടെ ഡ്രൈവറാണ് മരിച്ചത്.

പുലര്‍ച്ചെ നാലേമുക്കാലിനായിരുന്നു അപകടം. 18 ടണ്‍ പാചകവാതകം ടാങ്കറില്‍ ഉണ്ടായിരുന്നു. അപകടത്തെത്തുടര്‍ന്ന് ചരക്ക് ലോറി കത്തിനശിച്ചു. ഗ്യാസ് ടാങ്കറിലേക്ക് തീ പടരാത്തത് വന്‍ ദുരന്തം ഒഴിവാക്കി.

നാട്ടുകാരും ഫയര്‍ഫോഴ്‌സും ചേര്‍ന്ന് ഏറെ നേരം കൊണ്ടാണ് തീ അണച്ചത്. ഗ്യാസ് ടാങ്കറില്‍ ചോര്‍ച്ചയുണ്ടോ എന്ന് പരിശോധിക്കുകയാണ്. ഇതുവഴിയുള്ള വാഹനങ്ങളെ വഴിതിരിച്ച് വിടുകയാണ്.