സംസ്ഥാന സര്‍ക്കാരിനെ ട്രോളി കോണ്‍ഗ്രസ് നേതാവ് വി.ടി ബല്‍റാം. സാമ്പത്തിക വര്‍ഷാവസാനത്തെ ചെലവുകള്‍ നേരിടാന്‍ 5000 കോടി കൂടി കടമെടുക്കാനുള്ള സംസ്ഥാന സര്‍ക്കാര്‍ നീക്കത്തിനെതിരെയാണ് പരിഹാസവുമായി വി.ടി ബല്‍റാം രംഗത്തെത്തിയത്.

പൊതുവിപണിയില്‍ നിന്നുള്ള കടമെടുപ്പ് 28000 കോടിയായെന്ന് വിശദമാക്കുന്ന പത്രവാര്‍ത്ത പങ്കുവച്ചാണ് ഫേസ്ബുക്ക് കുറിപ്പ്. കറ നല്ലതാണെന്നാണ് സര്‍ഫ് എക്‌സല്‍ പറയുന്നത്. സഖാവ് ഐസക്കും കൂട്ടരും പറയുന്നത് കടം നല്ലതാണെന്നും വിടി ബല്‍റാം പരിഹസിക്കുന്നു. ഈ മാസം മാത്രം 7000 കോടിയാണ് സംസ്ഥാനത്തിന് കടമെടുക്കേണ്ടി വന്നതെന്ന് പത്രവാര്‍ത്ത വിശദമാക്കുന്നുണ്ട്. ഈ സാമ്പത്തിക വര്‍ഷത്തെ അവസാന കടമെടുപ്പാകും 5000 കോടിയുടേതെന്നാണ് സൂചനയെന്നും പത്രവാര്‍ത്തയില്‍ കുറിക്കുന്നു.

ഫേസ്ബുക്ക് കുറിപ്പിന്റെ പൂര്‍ണരൂപം

'കറ നല്ലതാണ്': സര്‍ഫ് എക്‌സല്‍
'കടം നല്ലതാണ്': സഖാവ് ഐസക്കും കൂട്ടരും
ഫോട്ടോയില്‍ ഉള്ളത് ഇന്നത്തെ പത്രത്തിലെ വാര്‍ത്തയാണ്, അതായത് ലേറ്റസ്റ്റ് കടമെടുപ്പിന്റെ!