HOME
DETAILS

വഖ്ഫ് നിയമനം നിയമസഭയിൽ തന്നെ തീരുമാനം പിൻവലിക്കണം: സാദിഖലി തങ്ങൾ

  
backup
March 27 2022 | 06:03 AM

896532-56345120


ആലപ്പുഴ
വഖ്ഫ് സമരവുമായി മുസ് ലിം ലീഗ് മുന്നോട്ട് പോകുമെന്ന് മുസ് ലിം ലീഗ് സംസ്ഥാന പ്രസിഡൻ്റ് പാണക്കാട് സയ്യിദ് സാദിഖലി ശിഹാബ് തങ്ങൾ.
നിയമസഭയിലാണ് തീരുമാനം പ്രഖ്യാപിച്ചത്. നിയമസഭയിൽ തന്നെ തീരുമാനം പിൻവലിക്കണം. മുസ് ലിം യൂത്ത് ലീഗ് ദക്ഷിണ മേഖലാ സമ്മേളനത്തിനെത്തിയ അദ്ദേഹം മാധ്യമങ്ങളോട് പ്രതികരിക്കുകയായിരുന്നു. സിൽവർ ലൈനിൽ നടക്കുന്നത് ജനകീയ സമരമാണ്. രാഷ്ട്രീയ സമരമല്ല ജനങ്ങൾ മുഴുവൻ പദ്ധതിക്ക് എതിരാണെന്നും തങ്ങൾ പറഞ്ഞു. സ്വത്വ രാഷ്ട്രീയം എന്നത് സ്വാർത്ഥ രാഷ്ട്രീയമല്ലെന്ന് സമാപന സമ്മേളനം ഉദ്ഘാടനം ചെയ്തു അദ്ദേഹം പറഞ്ഞു. ആനുകൂല്യങ്ങൾ നൽകുന്നത് നീട്ടിവയ്ക്കുക എന്നതാണ് ന്യൂനപക്ഷം നേരിടുന്ന വെല്ലുവിളി. അത് ആനുകൂല്യങ്ങൾ നിഷേധിക്കുന്നതിന് തുല്യമാണെന്നും അദ്ദേഹം പറഞ്ഞു. യൂത്ത് ലീഗ് സംസ്ഥാന പ്രസിഡൻ്റ് സയ്യിദ് മുനവ്വറലി ശിഹാബ് തങ്ങൾ അധ്യക്ഷനായി. ജന. സെക്രട്ടറി പി.കെ. ഫിറോസ് കർമ രേഖ പ്രഖ്യാപിച്ചു. കെ.എം ഷാജി, പി.വി അബ്ദുൽ വഹാബ് എം.പി, ടി.എം സലീം, ബീമാപള്ളി റഷീദ്, എച്ച്. ബഷീർ കുട്ടി, പി.കെ നവാസ് സംസാരിച്ചു യൂത്ത് ലീഗ് സംസ്ഥാന ട്രഷറർ പി. ഇസ്മാഈൽ സ്വാഗതവും സംസ്ഥാന സെക്രട്ടറി കാര്യാറ നസീർ നന്ദിയും പറഞ്ഞു. യൂത്ത് ലീഗ് ദക്ഷിണ മേഖലാ സമ്മേളനം രാവിലെ മുസ് ലിം ലീഗ് ദേശീയ ജനറൽ സെക്രട്ടറി പി.കെ കുഞ്ഞാലിക്കുട്ടി ഉദ്ഘാടനം ചെയ്തു. ഇ.ടി മുഹമ്മദ് ബഷീർ എം.പി മുഖ്യപ്രഭാഷണം നടത്തി. പി.എം.എ സലാം, വി. കെ ഇബ്രാഹിംകുഞ്ഞ്, പി എച്ച്. അബ്ദുൽ സലാം ഹാജി, കെ ഇ അബ്ദുൽ റഹ്മാൻ, എ.എം നസീർ, ടി.പി അഷ്റഫലി. കെ.എം മാഹിൻ സംസാരിച്ചു.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."