മലപ്പുറം:  കേരള സംസ്ഥാന പരിവര്‍ത്തിത ക്രൈസ്തവ ശുപാര്‍ശിത വിഭാഗ വികസന കോര്‍പ്പറേഷന്‍,  പട്ടികജാതിയില്‍ നിന്നും ക്രിസ്തുമതത്തിലേക്കു പരിവര്‍ത്തനം ചെയ്തിട്ടുള്ളവര്‍,  പട്ടികജാതിയിലേക്കു ശിപാര്‍ശ ചെയ്തിട്ടുള്ള വിഭാഗത്തില്‍പ്പെട്ടവര്‍ എന്നിവര്‍ക്കായുള്ള  കൃഷിഭൂമി വായ്പ, ഭവന നിര്‍മാണ വായ്പ, ഭവന പുനരുദ്ധാരണ വായ്പ, ഭൂരഹിത  ഭവനരഹിത വായ്പ, വിവാഹ വായ്പ, സ്വയംതൊഴില്‍ വായ്പ, വിദ്യാഭ്യാസ വായ്പ,  വ്യക്തിഗത വായ്പ, സര്‍ക്കാര്‍അര്‍ധസര്‍ക്കാര്‍ ഉദ്യോഗസ്ഥര്‍ക്കുള്ള വ്യക്തിഗത വായ്പ പദ്ധതികള്‍ക്കുള്ള  അപേക്ഷ ക്ഷണിച്ചു.   അപേക്ഷകരുടെ കുടുംബ വാര്‍ഷിക വരുമാനം ഗ്രാമ പ്രദേശങ്ങളില്‍  81000 രൂപയും നഗരപ്രദേശങ്ങളില്‍ 103000 രൂപയുമാണ്.  
അപേക്ഷാ ഫോം  രജിസ്റ്റേഡ് ഓഫിസ് കോട്ടയം, റീജനല്‍ ഓഫീസ് കോഴിക്കോട്, തിരുവനന്തപുരം  എന്നിവിടങ്ങളില്‍ ലഭിക്കും.  ഫോം തപാലില്‍ ലഭിക്കുന്നതിന് മേല്‍ വിലാസം എഴുതിയ  കവറും 10 രൂപയുടെ മണിയോഡര്‍ സഹിതം അയയ്ക്കണം.  അപേക്ഷകള്‍ രേഖകള്‍ സഹിതം  സെപ്റ്റംബര്‍ 30നകം റീജനല്‍ ഓഫിസുകളില്‍ ലഭിക്കണം.   കൂടുതല്‍ വിവരങ്ങള്‍ക്ക്   0481 2564304, 9400356500(കോട്ടയം മേഖല),  0471 2336472 (തിരുവനന്തപുരം  മേഖല), 0495 2367331 (കോഴിക്കോട് മേഖല) എന്നീ ഫോണ്‍ നമ്പറുകളില്‍ ബന്ധപ്പെടുക.