അങ്ങാടിപ്പുറം:  അപൂര്‍വയിനം നിശാശലഭത്തെ നാട്ടിന്‍ പുറങ്ങളില്‍ കാണപ്പെട്ടതു കൗതുകമായി. തിരൂര്‍ക്കാട്  പടിഞ്ഞാറേപാടം കറുമുക്കില്‍ ഷബീറിന്റെ വീട്ടിലാണ് ഈ അത്യപൂര്‍വമായ നിശാശലഭമെത്തിയത്.  ഇന്ത്യയില്‍ തന്നെ വളരെ ദുര്‍ലഭമായ ഇനത്തില്‍പ്പെട്ട അറ്റ്‌ലസ് മോത്തുകളാണിവ. മറ്റു  ചിത്രശലഭങ്ങളേക്കാള്‍ വലിപ്പവും ഇവയുടെ പ്രത്യേകതയാണ്.
 നാട്ടിന്‍ പുറങ്ങളില്‍ കാണുന്ന മറ്റു ചിത്രശലഭങ്ങളെ പോലെ പൂക്കളിലെ തേന്‍  നുകര്‍ന്നു ജീവിക്കുന്നവയല്ല ഈ അറ്റ്‌ലസ് മോത്തുകള്‍. ചിത്രശലഭങ്ങളെ പോലെ മുട്ടയിടുകയും മുട്ട വിരിഞ്ഞ് പ്യൂപ്പ രൂപത്തില്‍ വളര്‍ന്ന  ശേഷമാണ് നിശാലഭമായി മാറുന്നത്. കാപ്പിച്ചെടികളിലാണിവര്‍ മുട്ടയിടുന്നത്. മൂന്നാഴ്ച്ച മാത്രമേ  അറ്റ്‌ലസ് മോത്തുകള്‍ക്ക് ആയുസുള്ളൂവെന്നുംനിശാശലഭങ്ങള്‍ ഇണചേര്‍ന്നു മുട്ടയിടുന്നതോടെ ചത്തൊടുങ്ങുമെന്നുംപരിസ്ഥിതി പ്രവര്‍ത്തകന്‍ പി.ജെ സ്റ്റിബിന്‍ ഉണ്ണി പറഞ്ഞു.