താമരശ്ശേരി: വയനാട് ചുരം വ്യൂ പോയിന്റിൽ നിന്ന് താഴേക്ക് വീണ് യുവാവിന് പരിക്ക്. മലപ്പുറം പൊന്മുള സ്വദേശി അയമുവിനാണ് (33) പരിക്കേറ്റത്. ചുരത്തിലെ ഒമ്പതാം വളവിലെ വ്യൂ പോയിന്റിൽ നിന്നാണ് വിനോദ സഞ്ചാരിയായ യുവാവ് താഴേക്ക് വീണത്.

കൽപ്പറ്റ അഗ്നിശമന സേനയും വൈത്തിരി ​പൊലിസും സ്ഥലത്തെത്തി സാഹസികമായി യുവാവിനെ രക്ഷപ്പെടുത്തി. യുവാവിന്റെ കാലിനാണ് പരിക്കേറ്റത്. വൈത്തിരി താലൂക്ക് ഹെഡ്ക്വാർട്ടേഴ്സ് ആശുപത്രിയിൽ പ്രവേശിപ്പിച്ചു.