തലശ്ശേരി: മദ്‌റസ തഹലീമുല്‍ അവാം യു.പി സ്‌കൂള്‍ വാര്‍ഷികത്തോടനുബന്ധിച്ച് പൂര്‍വ വിദ്യാര്‍ഥി സംഗമം നടത്തി. കെ അബ്ദുല്‍ ഖാദര്‍ ഉദ്ഘാടനം ചെയ്തു. അഡ്വ. പി.വി സൈനുദ്ദീന്‍ അധ്യക്ഷനായി.
ജാലകം മാഗസിന്‍ നഗരസഭാംഗം ടി.എം റുബ്‌സീന പൂര്‍വവിദ്യാര്‍ഥി സംഘം പ്രസിഡന്റ് കെ ആബൂട്ടിക്കു നല്‍കി പ്രകാശനം ചെയ്തു. മാപ്പിളപ്പാട്ട് ഗായകന്‍ പീര്‍ മുഹമ്മദ് ഗാനം ആലപിച്ചു. വിരമിച്ച അധ്യാപകരായ ടി.പി രവീന്ദ്രന്‍, കെ.എം നാരായണന്‍, സലിന്‍, എം ഇസ്മാഈല്‍, വി മുഹമ്മദ്, പി.ജെ ഹാരി, എം.പി മൊയ്തു, മര്‍സലീന എന്നിവരെ ആദരിച്ചു. അഡ്വ. സി.ഒ.ടി ഉമ്മര്‍, എ റഹ്മത്തുല്ല, ടി.എം റുബ്‌സീന, ടി.പി രവീന്ദ്രന്‍, പി.വി സിറാജുദ്ദീന്‍, എം ഫൈസല്‍ ഹാജി, പി.പി അബൂബക്കര്‍ ഹാജി, പ്രധാനധ്യാപകന്‍ പി.പി അബ്ദുല്‍സലാം, അബ്ദുല്ല സംസാരിച്ചു. പൂര്‍വവിദ്യാര്‍ഥി സംഘം ചെയര്‍മാനായി കെ ആബൂട്ടിയെയും ജനറല്‍കണ്‍വീനറായി പി.വി സിറാജുദ്ദീനെയും തെരഞ്ഞെടുത്തു.