പള്ളിക്കല്‍: പള്ളിക്കല്‍ കൃഷി ഭവന്റെ മേല്‍നോട്ടത്തില്‍ ഗ്രാമപഞ്ചായത്തിലെ ഒന്‍പതാം വാര്‍ഡ് തറയിട്ടാലിലെ മുന്നായ്ക്കാട്ട് മാരിക്കാവില്‍ അഹമ്മദ് കബീറിന്റെ ഭാര്യ സെലീന (34) കൃഷി ചെയ്ത കരനെല്‍ കൃഷിയുടെ കൊയ്ത്തുത്സവം നാട്ടുകാര്‍ക്ക് ഉത്സവമായി. പഞ്ചായത്ത് പ്രസിഡന്റ് പി. മിഥുന ഉദ്ഘാടനം ചെയ്തു.
വീടിനോട് ചേര്‍ന്നുള്ള പതിനെഞ്ച് സെന്റ് സ്ഥലം പാട്ടത്തിനെടുത്താണ് എ.ഡി.എസ് അംഗമായ സെലീന സ്വന്തമായി കൃഷി ചെയ്തത്. പഞ്ചായത്തംഗം യു. രാമന്‍ കുട്ടി അധ്യക്ഷനായി. അസി. കൃഷി ഓഫിസര്‍ സുരേഷ് ബാബു, വാര്‍ഡ് വികസന സമിതി കണ്‍വീനര്‍ യൂസുഫ് മൂഴിയന്‍, സി.ഡി.എസ് ചെയര്‍പേഴ്‌സണ്‍ എ. തങ്കമണി, എ.ഡി.എസ് അംഗം നിഷ സംസാരിച്ചു.