മലപ്പുറം: കോട്ടയ്ക്കലില്‍ നിര്‍മാണത്തിലിരുന്ന കിണര്‍ ഇടിഞ്ഞുവീണ് രണ്ട് തൊഴിലാളികള്‍ അപകടത്തില്‍പ്പെട്ടു. ഇതില്‍ ഒരാളെ രക്ഷപ്പെടുത്തിയെങ്കിലും മറ്റൊരാള്‍ക്കായി തെരച്ചില്‍ തുടരുകയാണ്.

എടരിക്കോട് പൊട്ടിപ്പാറ സ്വദേശി അഹദിനെയാണ് പുറത്തെടുത്തത്. പുറത്തെടുത്തപ്പോള്‍ ഇദ്ദേഹം സംസാരിക്കുന്നുണ്ടായിരുന്നു.  ആരോഗ്യനിലയില്‍ കാര്യമായ ആശങ്കയില്ലെന്നാണ് കരുതുന്നത്. മണ്ണിനടിയില്‍ കുടുങ്ങിയതിനെത്തുടര്‍ന്ന് കാലിന് പരുക്കേറ്റിറ്റിട്ടുണ്ട്. അതേസമയം കിണര്‍ കൂടുതല്‍ ഇടിയുന്നത് ആശങ്കയുണ്ടാക്കുന്നുണ്ട്.