കൊണ്ടോട്ടി: സംസ്ഥാന ഹജ്ജ് കമ്മിറ്റി മുഖേന ഹജ്ജിന് അപേക്ഷിക്കാനുള്ള സമയപരിധി നാളെ അവസാനിക്കും. കഴിഞ്ഞ മാസം 10 മുതലാണ് അപേക്ഷ സ്വീകരിച്ച് തുടങ്ങിയത്. ഇതുവരെ 16,000 ലേറേ അപേക്ഷകളാണ് ലഭിച്ചത്. ഇതില്‍ 70 വയസുള്ളവരുടെ വിഭാഗത്തില്‍ 1,119 പേരുണ്ട്. ഇവര്‍ക്ക് നേരിട്ട് അവസരം ലഭിക്കും.

അതിനിടെ തീയതി നീട്ടണമെന്ന ആവശ്യം ശക്തമാണ്. എന്നാല്‍ അപേക്ഷ സ്വീകരണം വൈകി ആരംഭിച്ചതിനാല്‍ ഇതിനു സാധ്യത കുറവാണ്. ഈ മാസം 17 മുതല്‍ ഹജ്ജ് നറുക്ക് നടത്തണമെന്നാണ് കേന്ദ്ര ഹജ്ജ് കമ്മിറ്റിയുടെ നിര്‍ദേശം.