കണ്ണൂര്‍: ധര്‍മ്മടത്ത് കെ റെയില്‍ സര്‍വേകല്ല് സ്ഥാപിക്കാനാവാതെ ഉദ്യോഗസ്ഥര്‍ മടങ്ങി. ശക്തമായ പ്രതിഷേധത്തെതുടര്‍ന്നായിരുന്നു പന്മാറ്റം. നേരത്തേ കല്ലിടലിനിടെ സര്‍വേ എഞ്ചിനീയര്‍ക്ക് മര്‍ദനമേറ്റിരുന്നു.

ധര്‍മ്മടം പഞ്ചായത്തിലെ 14ാം വാര്‍ഡില്‍ കല്ലിടല്‍ പുരോഗമിക്കുന്നതിനിടെ കടുത്ത പ്രതിഷേധമാണ് സമര സമിതി പ്രവര്‍ത്തകരും നാട്ടുകാരും ഉയര്‍ത്തുന്നത്. നാട്ടുകാര്‍ പലതവണ സര്‍വേ കല്ലുകള്‍ പിഴുതെറിഞ്ഞിരുന്നു. വലിയ പൊലീസ് സന്നാഹമാണ് പ്രദേശത്ത് ക്യാമ്പ് ചെയ്യുന്നത്.