നീലഗിരി: തമിഴ്‌നാട് നീലഗിരിയില്‍ കാട്ടാനയാക്രമണത്തില്‍ മധ്യവയസ്‌കന്‍ കൊല്ലപ്പെട്ടു. 
ദേവാല നീര്‍മട്ടം സ്വദേശി ഹനീഫ (55)യാണ് മരിച്ചത്. വനത്തില്‍ വിറക് ശേഖരിക്കാന്‍ പോയപ്പോഴാണ് കാട്ടാന ആക്രമിച്ചതെന്നാണ് റിപ്പോര്‍ട്ട്. ഇന്ന് ഉച്ചക്ക് മൂന്ന് മണിയോടെയാണ് സംഭവം. 

നീര്‍മട്ടം പ്രദേശത്ത് പെട്ടിക്കട നടത്തിവരുകയായിരുന്നു ഹനീഫ. കഴിഞ്ഞ വെള്ളിയാഴ്ച്ച പ്രശാന്ത് എന്ന യുവാവിനെ കാട്ടാന കൊലപ്പെടുത്തിയ പ്രദേശത്ത് നിന്ന് 10 കിലോമീറ്റര്‍ വിട്ടുമാറിയാണ് നീര്‍മട്ടമെന്ന പ്രദേശം. മൃതദേഹം പന്തല്ലൂര്‍ ഗവണ്‍മെന്റ് ആശുപത്രിയില്‍ പോസ്റ്റ്‌മോര്‍ട്ടം ചെയ്ത ശേഷം ബന്ധുക്കള്‍ക്ക് വിട്ടുനല്‍കും.