സിഡ്‌നി: ഓസ്‌ട്രേലിയന്‍ നഗരമായ സിഡ്‌നിയില്‍ കത്തിയാത്രമണം. 5 പേരെ അക്രമി കുത്തിക്കൊന്നു. നിരവധിപേര്‍ക്കും പരുക്കേറ്റു. 9 മാസം പ്രായമായ കുഞ്ഞിനും കുത്തേറ്റു എന്നാണ് വിവരം. ബോണ്ടി ജങ്ഷനിലെ വെസ്റ്റ് ഫീല്‍ഡ് ഷോപ്പിങ് മാളിലാണ് സംഭവം. 

അക്രമിയെ പൊലീസ് വെടിവെച്ച് കൊലപ്പെടുത്തി. ഇയാള്‍ ഒറ്റക്കായിരുന്നുവെന്നും നിലവില്‍ പൊതുജനങ്ങള്‍ക്ക് ഭീഷണിയല്ലെന്നും ന്യൂ സൗത്ത് വെയില്‍സ് പൊലിസ് അറിയിച്ചു. 

അതേസമയം എന്താണ് അക്രമ കാരണം എന്നത് വ്യക്തമല്ല. പൊലീസ് സ്ഥലത്തെത്തി പരുക്കേറ്റവരെ ആശുപത്രിയിലേക്ക് മാറ്റുകയാണ്. സംഭവത്തിന്റെ കൂടുതല്‍ വിവരങ്ങള്‍ പുറത്ത് വന്നിട്ടില്ല.