ന്യൂഡല്‍ഹി: രാജ്യത്തെ കൊവിഡ് സാഹചര്യവും വാക്‌സിന്‍ വിതരണവും വിലയിരുത്താന്‍ പ്രധാനമന്ത്രി നരേന്ദ്രമോദിയുടെ നേതൃത്വത്തില്‍ ചേരുന്ന ഉന്നതതല യോഗം തുടങ്ങി. ആരോഗ്യമന്ത്രാലയം, ആഭ്യന്തര മന്ത്രാലയം, നീതി ആയോഗ് എന്നിവിടങ്ങളിലെ ഉന്നത ഉദ്യോഗസ്ഥരാണ് യോഗത്തില്‍ പങ്കെടുക്കുക.

രാജ്യത്തെ വാക്‌സിന്‍ വിതരണം സംബന്ധിച്ച് സംസ്ഥാനങ്ങളിലെ ആരോഗ്യമന്ത്രിമാരുമായി കേന്ദ്ര ആരോഗ്യമന്ത്രി ഡോ.ഹര്‍ഷ വര്‍ധന്‍ ചര്‍ച്ച ചെയ്യും.

രണ്ടാം തരംഗത്തെ നേരിടാന്‍ കേന്ദ്രം അടിയന്തര നടപടി സ്വീകരിക്കണമെന്ന് ആവശ്യപ്പെട്ട് 12 പ്രധാന പ്രതിപക്ഷ പാര്‍ട്ടികള്‍ ഈ ആഴ്ച ആദ്യം പ്രധാനമന്ത്രിയ്ക്ക് കത്തെഴുതിയിരുന്നു. സൗജന്യ വാക്‌സിന്‍ വിതരണം, സെന്‍ട്രല്‍ വിസ്റ്റ പദ്ധതിയുടെ നിര്‍മാണം നിര്‍ത്തുക, കാര്‍ഷിക നിയമങ്ങള്‍ റദ്ദാക്കല്‍ എന്നിവ ഉന്നയിച്ചാണ് കത്തെഴുതിയിരുന്നത്.