കൊച്ചി: തൃക്കാക്കര തെരഞ്ഞെടുപ്പിലെ ഇടതുപക്ഷ സ്ഥാനാര്‍ഥിയെ പ്രഖ്യാപിച്ചതിനു പിന്നാലെ സ്ഥാനാര്‍ഥിയെ മാറി സി.പി.എം ഒഫിഷ്യല്‍ ഫേസ്ബുക്ക് പേജ്. ടി.പി രാമകൃഷ്ണനടക്കം തെറ്റായ പോസ്റ്റര്‍ ഷെയര്‍ ചെയ്യുകയും ചെയ്തിട്ടുണ്ട്.

തൃക്കാക്കര എല്‍.ഡി.എഫ് സ്ഥാനാര്‍ഥിയായി തെരഞ്ഞെടുത്തത് കോതമംഗലം സ്വദേശിയായ ലിസി ഹോസ്പിറ്റലിലെ ഹൃദ്രോഗ വിദഗ്ധനായ ഡോ. ജോ ജോസഫിനെയാണ്. എന്നാല്‍ സി.പി.എമ്മിന്റെ ഫേസ് ബുക്ക് പേജിലെ പോസ്റ്ററില്‍ ഷെയര്‍ ചെയ്തത് അതേ പേരുള്ള ട്വന്റി ട്വന്റിക്ക് വേണ്ടി കോതമംഗലം നിയോജകമണ്ഡലത്തില്‍ നിന്നും മത്സരിച്ച ഡോ. ജോ ജോസഫിന്റെതായിരുന്നു.

അമളി പറ്റിയതറിഞ്ഞ് ഉടനെ സൈറ്റില്‍ നിന്ന് നീക്കം ചെയ്യുകയും ചെയ്തിട്ടുണ്ട്.സി.പി.എം പാര്‍ട്ടി ചിഹ്നത്തിലാകും അദ്ദേഹം തൃക്കാക്കരയില്‍ ഇടതുപക്ഷ സ്ഥാനാര്‍ഥി മത്സരിക്കുക. എല്‍.ഡി.എഫ് കണ്‍വീനര്‍ ഇ.പി ജയരാജനാണ് വാര്‍ത്താസമ്മേളനത്തില്‍ സ്ഥാനാര്‍ഥി പ്രഖ്യാപനം നടത്തിയത്.