മദീന: മദീനയിൽ സ്ഥിതിചെയ്യുന്ന പ്രവാചക പള്ളിയിൽ സ്വർണം പൂശിയ പുതിയ ചെമ്പ് കൈവരി സ്ഥാപിച്ചു. പ്രവാചകൻ മുഹമ്മദ് നബിയുടെയും അനുചരന്മാരുടെയും ഖബറിടങ്ങൾ അടങ്ങിയ മുറിക്കു പുറത്തായാണ് പുതിയ കൈവരി സ്ഥാപിച്ചത്. ഹറംകാര്യ വകുപ്പ് തലവൻ ഷെയ്ഖ് ഡോ. അബ്ദുറഹ്‌മാൻ അൽസുദൈസ് ഉദ്ഘാടനം ചെയ്തു.

ശുദ്ധമായ ചെമ്പിൽ നിർമിച്ചു സ്വർണം പൂശിയ പുതിയ കൈവരിക്ക് 87 മീറ്റർ നീളവും ഒരു മീറ്റർ ഉയരവുമുണ്ട്. നേരത്തെയുണ്ടായിരുന്ന മരത്തിൽ നിർമിച്ച കൈവരിക്കു പകരമാണ് സ്വർണം പൂശിയ ചെമ്പ് കൈവരി സ്ഥാപിച്ചിരിക്കുന്നത്.

കൂടുതല്‍ ഗള്‍ഫ് വാര്‍ത്തകള്‍ ലഭിക്കാന്‍ സുപ്രഭാതം വാട്‌സാപ്പ് കമ്യൂണിറ്റിയില്‍ ജോയിന്‍ ചെയ്യുക: https://chat.whatsapp.com/HVpI8bKnwZA7O8fvza77sv