തിരുവനന്തപുരം: രോഗികളുമായി നിരന്തരം സമ്പര്‍ക്കം പുലര്‍ത്തുന്നതിനിടെ ഇന്നു മാത്രം കൊവിഡ് ബാധിച്ചത് 94 ആരോഗ്യ പ്രവര്‍ത്തകര്‍ക്ക്. ദിനവും ആരോഗ്യ പ്രവര്‍ത്തകര്‍ രോഗബാധിതരായി മാറുമ്പോള്‍ ആരോഗ്യപ്രവര്‍ത്തകരുടെ കടുത്തക്ഷാമമാണ് സംസ്ഥാനത്ത് നേരിടുന്നത്.

എല്ലാ ജില്ലകളിലും ആരോഗ്യപ്രവര്‍ത്തകര്‍ നേരിടുന്നത് കടുത്ത ഭീഷണിയാണ്. പലയിടത്തും രോഗം മരണത്തിനും കാരണമാകുന്നുണ്ട്. ഇന്നു മാത്രം കണ്ണൂര്‍ 17, പത്തനംതിട്ട 16, പാലക്കാട് 10, എറണാകുളം 9, തൃശൂര്‍, കാസര്‍ഗോഡ് 8, തിരുവനന്തപുരം 7, കൊല്ലം, വയനാട് 6, കോഴിക്കോട് 3, കോട്ടയം, മലപ്പുറം 2 വീതം ആരോഗ്യ പ്രവര്‍ത്തകര്‍ക്കാണ് രോഗം ബാധിച്ചത്.