സമസ്ത നാഷണല്‍ എഡ്യൂക്കേഷന്‍ കൗണ്‍സിലിന്റെ വിദ്യാഭ്യാസ സംരംഭങ്ങളായ ശരീഅ: സ്ട്രീം, ഷീ സ്ട്രീം, ലൈഫ് സ്ട്രീം എന്നിവയെ കുറിച്ച് വിദ്യാര്‍ത്ഥികള്‍ക്കും രക്ഷിതാക്കള്‍ക്കും അധ്യാപകര്‍ അടക്കമുള്ള പരിശീലകര്‍ക്കും വേണ്ടി നാളെ വെബിനാര്‍ നടക്കും. എസ്.കെ.എസ്.എസ്.എഫ് ട്രന്റ് സംസ്ഥാന കമ്മറ്റിയാണ് വെബിനാര്‍ സംഘടിപ്പിക്കുന്നത്. സമസ്ത കേന്ദ്ര മുശാവറ അംഗം അബ്ദുസ്സലാം ബാഖവി വടക്കേക്കാട്, എസ് വി മുഹമ്മദലി, ഡോ. ബഷീര്‍ പനങ്ങാങ്ങര, മുജ്തബ ഫൈസി ആനക്കര തുടങ്ങിയവര്‍ വിവിധ സെഷനുകള്‍ക്ക് നേതൃത്വം നല്‍കും. പദ്ധതിയുമായി ബന്ധപ്പെട്ട സംശയങ്ങള്‍ക്ക് പരിഹാരം നല്‍കും. ഇന്ന് വൈകിട്ട് 4. 30 മുതല്‍ ട്രെന്‍ഡ് യൂടൂബ് ചാനലിലും സുപ്രഭാതം ഓണ്‍ലൈന്‍ ചാനലിലും പ്രോഗ്രാം വീക്ഷിക്കാം. ട്രെന്റ് സംസ്ഥാന ചെയര്‍മാന്‍ ഷാഫി ആട്ടീരി അധ്യക്ഷത വഹിക്കും.