തിരുവനന്തപുരം
തൃക്കാക്കര ഉപതെരഞ്ഞെടുപ്പ് പ്രവർത്തനം അടുത്ത പാർലമെന്റ് തെരഞ്ഞെടുപ്പിലും പ്രാവർത്തികമാക്കുമെന്നും തൃക്കാക്കര ധർമടത്തും സംഭവിക്കാമെന്നും പ്രതിപക്ഷ നേതാവ് വി.ഡി സതീശൻ. വനിതകളെ കൂടുതലായി നേതൃത്വത്തിലേക്ക് കൊണ്ടുവരും. കെ.പി.സി.സി- ഡി.സി.സി നേതൃതലങ്ങളിൽ കൂടുതൽ പ്രാതിനിധ്യം നൽകും.തൃക്കാക്കര യു.ഡി.എഫിന്റെ പൊന്നാപുരം കോട്ടയെന്ന് ഇപ്പോൾ പറയുന്നവർ പിന്നെന്തിനാണ് 21 മന്ത്രിമാർ അവിടെപ്പോയി കെട്ടിക്കിടന്ന് പ്രചാരണം നടത്തിയതെന്നും സതീശൻ ചോദിച്ചു. ഒരു ഉപതെരഞ്ഞെടുപ്പ് ഫലത്തെ കുറിച്ച് ഒരു മുഖ്യമന്ത്രി അഭിപ്രായം പറയാത്തത് ആദ്യമാണെന്ന് സതീശൻ പറഞ്ഞു. മന്ത്രി കുട്ടികൾക്കൊപ്പമിരുന്നു ഭക്ഷണം കഴിച്ചാൽ ഭക്ഷ്യവിഷബാധ ഇല്ലാതാകില്ല. ഭരിക്കുന്ന സമയത്ത് ഏകോപനമില്ലാത്തതാണ് ഭക്ഷ്യസുരക്ഷാ പരിശോധനയിൽ വകുപ്പുകളുടെ ഏകോപനം ഉണ്ടാകാത്തതിന് കാരണം. ലോക കേരള സഭയിൽ ഇതുവരെ എത്ര തീരുമാനങ്ങൾ നടപ്പാക്കിയെന്ന് സർക്കാർ വ്യക്തമാക്കണം. നടത്തിപ്പിലെ ധൂർത്ത് ഒഴിവാക്കുകയും പ്രതിപക്ഷ സംഘടനകൾക്ക് പ്രാതിനിധ്യം നൽകുകയും ചെയ്താൽ സഭയിൽ പങ്കെടുക്കുമെന്നും സതീശൻ വ്യക്തമാക്കി.