നെടുമ്പാശ്ശേരി: ഹജ്ജ് ക്യാംപില്‍ ഭക്ഷണശാലയുടെ പ്രവര്‍ത്തനം സജീവമായി. 450 ഓളം പേര്‍ക്ക് ഒരേസമയം ഭക്ഷണം കഴിക്കാന്‍ കഴിയുന്ന വിധത്തിലാണ് ഭക്ഷണശാലയുടെ സജ്ജീകരണം.
സ്ത്രീകള്‍ക്കും പുരുഷന്‍മാര്‍ക്കും പ്രത്യേകം സൗകര്യമാണ് ഒരുക്കിയിരിക്കുന്നത്. ഭക്ഷണശാലയിലെത്തുന്ന സ്ത്രീകളുടെ സഹായത്തിനായി സ്ത്രീ വളണ്ടിയര്‍മാരും സജ്ജമാണ്. ക്യാംപിലെത്തുന്ന തീര്‍ഥാടകര്‍ക്ക് സൗജന്യമായി ഭക്ഷണം ലഭിക്കും. മറ്റുള്ളവര്‍ക്ക് പണം നല്‍കി പ്രത്യേക കൂപ്പണ്‍ വാങ്ങി ഭക്ഷണം കഴിക്കാനുള്ള സൗകര്യമുണ്ട്.