മക്ക: സ്വകാര്യ ഹജ്ജ് ഗ്രൂപ്പ് വഴി ആദ്യമായി മക്കയിൽ എത്തിയ 49 അംഗസംഘത്തിന് മക്ക കെഎംസി സി സ്വീകരണം നൽകി. രാവിലെ മക്കയിൽ എത്തിയ സംഘത്തിന് കെഎംസിസി ഹജ്ജ് സെൽ ചെയർമാൻ കുഞ്ഞിമോൻ കാക്കിയ, നാഷണൽ ഹജ്ജ് കമ്മിറ്റി ജനറൽകൺവീനർ മുജീബ് പൂക്കോട്ടൂർ, വളണ്ടിയർ ക്യാപ്റ്റൻ നാസർ കിൻസാറ, മുസ്തഫ മഞ്ഞക്കുളം എന്നിവരുടെ നേതൃത്വത്തിൽ വളണ്ടിയർമാർ റീമെറിഡിയൻ ഹോട്ടലിൽ സ്വീകരിച്ചു.

ജിദ്ദ ഹജ്ജ് ടെർമിനലിൽ വിമാനം ഇറങ്ങിയ ഇവർ നടപടികൾ പൂർത്തിയാക്കിയശേഷം രാവിലെ 09 മണിയോടെയാണ് മക്കയിൽ എത്തിയത്. അൽ ഹിന്ദ് ട്രാവൽസ് വഴി എത്തിയ സംഘത്തിനു ഹനീഫ ദാരിമിയാണ് നേതൃത്വം നൽകുന്നത്.