തിരുവനന്തപുരം:  സംസ്ഥാന പൗള്‍ട്രി വികസന കോര്‍പറേഷന്‍ പഞ്ചായത്തു തലത്തില്‍ വനിതകള്‍ക്കായുള്ള കോഴിവളര്‍ത്തല്‍ ഗ്രാമം പദ്ധതി നടപ്പാക്കാന്‍ പഞ്ചായത്ത് അധികൃതരില്‍നിന്നു അപേക്ഷ ക്ഷണിച്ചു.

തെരഞ്ഞെടുക്കപ്പെടുന്ന ഓരോ പഞ്ചായത്തിലും ആകെ 660 ഗുണഭോക്താക്കളില്‍ ഓരോ ഗുണഭോക്താവിനും അഞ്ച് കോഴികള്‍, രണ്ട് കിലോ തീറ്റ എന്നിവ ലഭിക്കും. കൂടാതെ ഒരു ദിവസത്തെ പരിശീലനവും നല്‍കും. ഗുണഭോക്താവ് ഗുണഭോക്തൃവിഹിതമായി ഒരു നിശ്ചിത തുക നല്‍കണം. താല്‍പര്യമുള്ള പഞ്ചായത്ത് അധികൃതര്‍ അപേക്ഷ 31 ന് മുമ്പ് മാനേജിങ് ഡയറക്ടര്‍, കേരള സംസ്ഥാന പൗള്‍ട്രി വികസന കോര്‍പ്പറേഷന്‍, പേട്ട, തിരുവനന്തപുരം  695 024 എന്ന വിലാസത്തില്‍ അയയ്ക്കണം. ഫോണ്‍ : 0471  2476585, 2468585