ഹൈദരാബാദ്: കശ്മീരി പണ്ഡിറ്റുകളുടെ പലായനത്തെയും പശുവിന്റെ പേരില്‍ നിരപരാധികളെ കൊലപ്പെടുത്തുന്നതിനെയും കുറിച്ച് നടത്തിയ പരാമര്‍ശങ്ങളുടെ പേരില്‍ നടി സായ് പല്ലവിക്കെതിരെ പരാതി. തീവ്ര ഹിന്ദുത്വ സംഘടനയായ ബജ്‌റംഗ്ദളിന്റെ നേതാക്കളാണ് നടിക്കെതിരെ പൊലിസില്‍ പരാതി നല്‍കിയത്. ഹൈദരാബാദിലെ സുല്‍ത്താന്‍ ബസാര്‍ പൊലിസ് സ്റ്റേഷനിലാണ് കേസ് രജിസ്റ്റര്‍ ചെയ്തത്.

'കശ്മീര്‍ ഫയല്‍സ്' എന്ന സിനിമയെക്കുറിച്ചും ഗോ രക്ഷ ഗുണ്ടകളുടെ അക്രമത്തെകുറിച്ചും രു അഭിമുഖത്തില്‍ നടത്തിയ അഭിപ്രായപ്രകടനമാണ് ഹിന്ദുത്വവാദികളെ പ്രകോപിപ്പിച്ചത്.
കശ്മീരിലെ കൂട്ടകൊലയും പശുവിന്റെ പേരിലുള്ള കൊലപാതകവും തമ്മിലെന്താണ് വ്യത്യാസമെന്നായിരുന്നു അവരുടെ ചോദ്യം.

അഭിമുഖത്തിന്റെ വിഡിയോ പരിശോധിച്ച് നിയമോപദേശത്തിന് ശേഷം തുടര്‍നടപടി സ്വീകരിക്കുമെന്ന് പൊലിസ് അറിയിച്ചു.