മലപ്പുറം: തിരുനാവായയില്‍ കെ റെയില്‍ കുറ്റികള്‍ വീണ്ടും ഇറക്കാന്‍ ശ്രമം എന്ന് നാട്ടുകാര്‍. തൊഴിലാളികള്‍ വാഹനത്തില്‍ നിന്ന് ഇറക്കിയ കുറ്റികള്‍ നാട്ടുകാര്‍ തിരിച്ചു വാഹനത്തില്‍ കയറ്റി. അതേസമയം സൂക്ഷിക്കാനായാണ് കുറ്റികള്‍ കൊണ്ടുവന്നതെന്ന് തൊഴിലാളികള്‍ അറിയിച്ചെങ്കിലും കുറ്റികള്‍ ഇറക്കാന്‍ നാട്ടുകാര്‍ അനുവദിച്ചില്ല. ഉദ്യോഗസ്ഥരാരും തന്നെ ഒപ്പം ഉണ്ടായിരുന്നില്ല.

സ്വകാര്യ വ്യക്തിയുടെ സ്ഥലത്ത് ആയിരുന്നു നേരത്തെ കെ റെയില്‍ കുറ്റികള്‍ സൂക്ഷിച്ചിരുന്നത്. ഇത് റെയില്‍വേയുടെ കീഴിലുള്ള സ്ഥലത്തേക്ക് മാറ്റാനുള്ള ശ്രമവും നാട്ടുകാര്‍ തടഞ്ഞു. തുടര്‍ന്ന് ഇറക്കിയ കുറ്റികള്‍ വാഹനത്തേക്ക് തിരിച്ചു കയറ്റി.