ന്യൂഡല്‍ഹി: പശ്ചിമ ബംഗാള്‍ നിയമസഭാ തിരഞ്ഞെടുപ്പ് പ്രചാരണറാലിയില്‍ നടത്തിയ വിവാദപ്രസംഗവുമായി ബന്ധപ്പെട്ട് രജിസ്റ്റര്‍ ചെയ്ത കേസില്‍ നടനും ബി.ജെ.പി നേതാവുമായ മിഥുന്‍ ചക്രബര്‍ത്തിയെ കൊല്‍ക്കത്ത പോലിസ് ചോദ്യം ചെയ്തു.ബംഗാളില്‍ വോട്ടെടുപ്പിന് ശേഷമുണ്ടായ അക്രമങ്ങളില്‍ മിഥുന്‍ ചക്രബര്‍ത്തിയുടെ പ്രസംഗത്തിന് പങ്കുണ്ടെന്നാണ്് പരാതിയിലെ ആരോപണം.

തൃണമൂല്‍ കോണ്‍ഗ്രസില്‍നിന്ന് രാജിവച്ച മിഥുന്‍ ചക്രബര്‍ത്തി ഏപ്രില്‍- മെയ് മാസങ്ങളിലായി നടന്ന ബംഗാള്‍ തിരഞ്ഞെടുപ്പില്‍ ബിജെപിയുടെ സ്റ്റാര്‍ കാംപയിനര്‍മാരില്‍ ഒരാളായിരുന്നു.

എന്നാല്‍ താന്‍ സിനിമയിലെ ഒരു ഡയലോഗ് പറയുക മാത്രമാണ് ചെയ്തതെന്നും അതില്‍ ദുരുദ്ദേശമില്ലെന്നുമാണ് ചക്രബര്‍ത്തിയുടെ വാദം. നിങ്ങളെ ഇവിടെ അടിച്ചാല്‍ മൃതദേഹം ശ്മശാനത്തിലെത്തുമെന്നായിരുന്നു ഡയലോഗ്.