കാസര്‍കോട്: കുമ്പള ഷാഫി ഷീ കാമ്പസില്‍ സ്ത്രീകളുടെ നേതൃത്വത്തില്‍ നടന്ന എസ്എന്‍ഇസിയുടെ സപ്തദിന ക്യാമ്പില്‍ സ്ത്രീകള്‍ മാത്രം കൈകാര്യം ചെയ്ത സംഗമങ്ങളടക്കമുള്ള വിഡിയോ പകര്‍ത്തിയയാളെ സസ്‌പെന്‍ഡ് ചെയ്തു. വിഡിയോ പകര്‍ത്തുകയും വിവിധ പരിപാടികളുടെ മിശ്രിത ചിത്രീകരണങ്ങള്‍ തെറ്റിദ്ധരിപ്പിക്കുന്ന വിധത്തിലാണ് പ്രചരിപ്പിച്ചത്. സമസ്തയുടെ ആശയങ്ങള്‍ക്കും എസ്എന്‍ഇസി വിഭാവനം ചെയ്യുന്ന വിദ്യഭ്യാസ കാഴ്ചപ്പാടിനും വിരുദ്ധമായിട്ടുള്ള നടപടിയുണ്ടായതിലുമാണ് നടപടിയെടുത്തത്. ഇനിയും ഇത്തരം നടപടികള്‍ ഉണ്ടാവാതിരിക്കാന്‍ ക്രമീകരണങ്ങള്‍ ഏര്‍പ്പെടുത്തിയിട്ടുണ്ടെന്നും സ്ഥാപനത്തിനും സംവിധാനത്തിനുമെതിരെ കുപ്രചാരണങ്ങള്‍ നടത്തുന്നവര്‍ക്കെതിരെ ആവശ്യമായ നടപടികള്‍ സ്വീകരിക്കുമെന്നും ഇമാം ഷാഫി ഷി കാമ്പസ് കണ്‍വീനര്‍ അറിയിച്ചു.