വയനാട് കാറും ലോറിയും കൂട്ടിയിടിച്ച് അപകടം; 2 മരണം

വയനാട്: പച്ചിലക്കാടില്‍ ടിപ്പര്‍ ലോറിയും കാറും കൂട്ടിയിടിച്ച് അപകടം. രണ്ടുപേര്‍ മരിച്ചു. കണ്ണൂര്‍ മാട്ടൂല്‍ സ്വദേശികളായ അഫ്രീദ് പള്ളിപ്പുര, മുനവ്വര്‍ എന്നിവരാണ് മരിച്ചത്. കാറില്‍ ഉണ്ടായിരുന്ന മറ്റൊരാള്‍ക്ക് സാരമായി പരുക്കേറ്റിട്ടുണ്ട്.

കോഴിക്കോട് മാനന്തവാടിക്ക് പോകുന്ന ടോറസും, പനമരം കല്‍പ്പറ്റയിലേക്ക് പോവുകയായിരുന്ന ഇന്നോവയുമാണ് അപകടത്തില്‍പ്പെട്ടത്. ഇടിയുടെ ആഘാതത്തില്‍ കാര്‍ പൂര്‍ണമായും തകര്‍ന്നു. അപകടസ്ഥലത്ത് പൊലീസും ഫയര്‍ ഫോഴ്‌സും പരിശോധന നടത്തുകയാണ്.