കളന്‍തോട്: ചാത്തമംഗലം എം.ഇ.എസ് കോളേജ് ഓഫ് ആര്‍ട്‌സ് ആന്റ് സയന്‍സസ് സൈക്കോളജി ഡിപാര്‍ട്‌മെന്റിന്റെ ആഭിമുഖ്യത്തില്‍ ലഹരി വിരുദ്ധ ദിനത്തോടനുബന്ധിച്ച് ലഹരി വിരുദ്ധ ബോധവല്‍ക്കരണ ക്യാമ്പെയിന്‍ സംഘടിപ്പിച്ചു. വിദ്യാര്‍ത്ഥികള്‍ ലഹരി വിരുദ്ധ ആശയം ഉള്‍ക്കൊള്ളുന്ന പോസ്റ്ററുകള്‍ തയ്യാറാക്കി ക്യാമ്പസില്‍ പതിക്കുകയും ഫ്‌ളാഷ് മോബ് സംഘടിപ്പിക്കുകയും ചെയ്തു. ക്ലാസുകള്‍ തോറും കയറിയിറങ്ങി ബോധവല്‍ക്കരണ ക്ലാസും നടത്തി. കോളേജ് പ്രിന്‍സിപ്പല്‍ ഷഫീഖ് ആലത്തൂര്‍ ചടങ്ങ് ഉദ്ഘാടനം ചെയ്തു. സൈക്കോളജി ഡിപാര്‍ട്‌മെന്റ് മേധാവി ജോസ് മോന്‍ ജൂഡി ആദ്ധ്യക്ഷ്യം വഹിച്ചു. എന്‍.എസ്.എസ് പ്രോഗ്രാം ഓഫീസര്‍ മുഹമ്മദ് റിയാസ്, കൊമേഴ്‌സ് വിഭാഗം മേധാവി മുസ്തഫ ഷമീം എന്നിവര്‍ ആശംസകള്‍ അര്‍പ്പിച്ചു. ഹന യു എം, ഫര്‍ഹാന നിയാസ്, നിഹാല്‍, ഇസ്‌സാം, നിഖില്‍ തുടങ്ങിയവര്‍ നേതൃത്വം നല്‍കി.