യൂറോ കപ്പിലെ രണ്ടാം കളിയിലും കരുത്തരായ സ്‌പെയ്ന്‍ സമനിലയില്‍ കുരുങ്ങി. പോളണ്ടിനെതിരെയുള്ള മത്സരത്തില്‍
ഇരു ടീമും ഓരോ ഗോള്‍ വീതം നേടി. തുടര്‍ച്ചയായ രണ്ടാം മത്സരത്തിലും സമനില വഴങ്ങിയതോടെ സ്പാനിഷ് ടീമിന്റെ നോക്കൗട്ട് സാധ്യതകള്‍ അനിശ്ചിതത്വത്തിലായി. ഒരു പെനാല്‍റ്റിയടക്കം ലഭിച്ച അനവധി സുവര്‍ണാവസരങ്ങളാണ് സ്‌പെയ്ന്‍ കളഞ്ഞ് കുളിച്ചത്.

ആദ്യ പകുതിയുടെ 25 ാം മിനുട്ടില്‍ മൊറോട്ടയുടെ ഗോളില്‍ മുന്നിലെത്തിയ സ്‌പെയ്ന്‍ 54 ാം മിനുട്ടിലെ പോളണ്ട് നായകന്‍
റോബര്‍ട്ട് ലെവന്‍ഡോസ്‌കിയുടെ മനോഹരമായ ഹെഡ്ഡര്‍ ഗോളില്‍ സമനില വഴങ്ങി. പിന്നീട് ലീഡ് തിരിച്ചു പിടിക്കാനായി സ്‌പെയ്ന്‍ അവസാനം വരെ പോരാടിയെങ്കിലും ഗോള്‍ മാത്രം പിറന്നില്ല.