ക്രിയയുടെ യാത്ര സഫലമാകുന്നു, ഐഎഎസിലേക്ക് രണ്ടുപേര്‍

പെരിന്തല്‍മണ്ണ: സിവില്‍ സര്‍വീസ് പരീക്ഷയില്‍ മികച്ച നേട്ടം കൈവരിച്ച് പെരിന്തല്‍മണ്ണയിലെ സയ്യിദ് ഹൈദരലി ശിഹാബ് തങ്ങള്‍ സിവില്‍ സര്‍വീസ് അക്കാദമി. ഇവിടെ പരിശീലനം നേടിയ കാസര്‍ക്കോട് ജില്ലയിലെ കാജല്‍ രാജു, വയനാട് സ്വദേശിനി ഷെറിന്‍ ഷഹാന എന്നിവര്‍ സിവില്‍ സര്‍വീസിലേക്ക് തെരഞ്ഞെടുക്കപ്പെട്ടു.

ടെറസില്‍ നിന്ന് വസ്ത്രമെടുക്കുന്നതിനിടയില്‍ കാല്‍ വഴുതി വീണ് വീല്‍ ചെയറിലായ പെരിന്തല്‍മണ്ണ സ്വദേശിയാണ് ഷഹാന ഷെറിന്‍. പെരിന്തല്‍മണ്ണയിലെ സ്വകാര്യ ആശുപത്രിയില്‍ ചികിത്സയിലാണ് ഷഹാന. പരീക്ഷയില്‍ 913ആം റാങ്കാണ് ഷഹാന കരസ്ഥമാക്കിയത്. നേരത്തെ പരുക്കുപറ്റി ചികിത്സയിലായിരുന്നു ഷഹാന. നട്ടെല്ലിനും വാരിയെല്ലിനും പരുക്കുണ്ട്. അക്കാദമിക്ക് ഇത് അഭിമാന നിമിഷമാണെന്ന് സ്ഥാപനത്തിന് നേതൃത്വം നല്‍കുന്ന നജീബ് കാന്തപുരം എം.എല്‍.എ ഫേസ്ബുക്കില്‍ കുറിച്ചു.

നജീബ് കാന്തപുരം ഫേസ്ബുക്കില്‍ പങ്കുവച്ച കുറിപ്പ്

ഐ.എ.എസിലേക്ക് രണ്ടു പേര്‍????

പെരിന്തല്‍മണ്ണ സയ്യിദ് ഹൈദരലി ശിഹാബ് തങ്ങള്‍ സിവില്‍ സര്‍വ്വീസ് അക്കാദമിക്ക് ഇത് അഭിമാന നിമിഷം.

രാജ്യത്തിന്റെ പരമോന്നത സര്‍വ്വീസിലേക്ക് അക്കാദമിയുടെ ഇന്റര്‍വ്വ്യൂ കോച്ചിംഗിലൂടെ കടന്നു വന്ന രണ്ട് മിടുക്കര്‍ ഇടം നേടിയിരിക്കുന്നു.

കാസര്‍ക്കോട് ജില്ലക്കാരി കാജല്‍ രാജുവും വയനാട് സ്വദേശി ഷറിന്‍ ശഹാനയും. ഈ ദൗത്യത്തില്‍ ഞങ്ങള്‍ക്കൊപ്പം പങ്കു ചേര്‍ന്ന മുന്‍ ചീഫ് സെക്രട്ടറി കെ.ജയകുമാര്‍ സാര്‍, എല്ലാ തിരക്കുകളും മാറ്റി വെച്ച് ഞങ്ങള്‍ക്കൊപ്പം നിന്ന ഐ.എ.എസ് ഉദ്യോഗസ്ഥരായ ജാഫര്‍ മാലിക്,ഷാ ഫൈസല്‍ , അഞ്ജു കെ.എസ്, വിഗ്‌നേശ്വരി, എന്നിവര്‍ക്ക് പ്രത്യേക നന്ദി.

ക്രിയയുടെ യാത്ര സഫലമാകുന്നു.