HOME
DETAILS

കേരളത്തില്‍ നിന്ന് പി.ടി ഉഷയും തമിഴ്‌നാട്ടില്‍ നിന്ന് ഇളയരാജയും രാജ്യസഭയിലേക്ക്

  
backup
July 06 2022 | 15:07 PM

pt-usha-from-kerala-and-ilayaraja-from-tamil-nadu-to-the-rajya-sabha

ന്യൂഡല്‍ഹി: കേരളത്തില്‍ നിന്ന് പി.ടി ഉഷ രാജ്യസഭയിലേക്ക്. പി.ടി ഉഷയെ രാജ്യസഭയിലേക്ക് ബി.ജെ.പി നോമിനേറ്റ് ചെയ്തു. ഇക്കാര്യത്തില്‍ പ്രധാനമന്ത്രിയുടെ പ്രതികരണവും വന്നു കഴിഞ്ഞു. പി.ടി ഉഷ എല്ലാ ഇന്ത്യക്കാര്‍ക്കും പ്രചോദനമാണെന്നാണ് നരേന്ദ്രമോദി പ്രതികരിച്ചത്. അതേ സമയം തമിഴ്‌നാട്ടില്‍ നിന്ന് സംഗീത സംവിധായകന്‍ ഇളയരാജയേയും നോമിനേറ്റ് ചെയ്തിട്ടുണ്ട്. തലമുറകളെ സ്വാധീനിച്ച സംഗീതജ്ഞനാണ് ഇളയരാജയെന്നും പ്രധാനമന്ത്രി പറഞ്ഞു. ജീവകാരുണ്യ പ്രവര്‍ത്തകന്‍ വീരേന്ദ്രഹെഗ്‌ഡേയേയും രാജ്യസഭയിലേക്ക് നാമനിര്‍ദേശം ചെയ്തിട്ടുണ്ട്.

ഇന്ത്യയിലെ മികച്ച കായികതാരങ്ങളിലൊരാളായ പി.ടി. ഉഷയെ ഇന്ത്യ കണ്ട എക്കാലത്തെയും മികച്ച ഓട്ടക്കാരിയായാണ് കണക്കാക്കുന്നത്. 1984-ല്‍ പദ്മശ്രീ ബഹുമതിയും അര്‍ജുന അവാര്‍ഡും നേടിയിട്ടുണ്ട്. 2000-ല്‍ അന്താരാഷ്ട്രമത്സരങ്ങളില്‍ നിന്ന് വിരമിച്ചു. ഇപ്പോള്‍ വളര്‍ന്നു വരുന്ന കായിക പ്രതിഭകളെ പരിശീലിപ്പിക്കാന്‍ ഉഷ സ്‌കൂള്‍ ഓഫ് അത്ലറ്റിക്‌സ് നടത്തുകയാണ്.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."