സിദ്ദിഖ് കൊലപാതകം: മൃതദേഹം മുറിക്കാന്‍ ഉപയോഗിച്ച കട്ടര്‍ കണ്ടെത്തി

കോഴിക്കോട്: ഹോട്ടലുടമ സിദ്ദിഖിന്റെ കൊലപാതക കേസില്‍ പ്രതികളെ ആയുധം ഉപേക്ഷിച്ച സ്ഥലത്തെത്തി തെളിവെടുപ്പ് നടത്തി.കൊല്ലപ്പെട്ട സിദ്ദിഖിന്റെ പേരിലുള്ള എടിഎം കാര്‍ഡും മൃതദേഹം മുറിക്കാന്‍ പ്രതികള്‍ ഉപയോഗിച്ച കട്ടറും ഉള്‍പ്പടെ എല്ലാ ആയുധങ്ങളും കണ്ടെടുത്തു. പരിയാപുരം ചേരിയമലയിലാണ് തെളിവെടുപ്പ് നടക്കുന്നത്.

അതേസമയം സിദ്ദിഖിന്റെ കൊലപാതകത്തിന് പിന്നില്‍ ഹണി ട്രാപ്പെന്ന് പൊലിസ് സ്ഥിരീകരണം. സിദ്ദിഖിനെ നഗ്‌നനാക്കി ഫോട്ടെയെടുക്കാന്‍ ശ്രമിക്കുകയും അയാള്‍ എതിര്‍ത്തതുമാണ് കൊലപാതകത്തില്‍ കലാശിച്ചതെന്ന് പൊലിസ് പറഞ്ഞു. മൂന്നു പ്രതികളെയും മലപ്പുറം ഡി.വൈ.എസ്.പി ഓഫിസില്‍ വച്ച് എസ്.പിയുടെ നേതൃത്വത്തില്‍ ചോദ്യം ചെയ്തതിന് പിന്നാലെയണ് മലപ്പുറം എസ്.പി സുജിത് ദാസ് മാധ്യമങ്ങളെ കണ്ട് ഇക്കാര്യം അറിയിച്ചത്.