ssc cgl selection process explained and check minimum qualifying marks

എസ്.എസ്.സിയുടെ ഡിഗ്രി ലെവല്‍ എക്‌സാമിന് തയ്യാറെടുക്കുകയാണോ? സെലക്ഷന്‍ പ്രക്രിയ, മിനിമം യോഗ്യതാ മാര്‍ക്ക് എന്നിവയെക്കുറിച്ച് അറിയാം

കേന്ദ്ര സര്‍ക്കാരിന് കീഴിലെ വിവിധ തസ്തികകളിലേക്കും, സര്‍ക്കാരപമായി ബന്ധപ്പെട്ട വിവിധ ജോലികള്‍ക്കും വഴിയൊരുക്കുകയാണ് സ്റ്റാഫ് സെലക്ഷന്‍ കമ്മീഷന്റെ ചുമതല. സ്റ്റാഫ് സെലക്ഷന്‍ കമ്മീഷന്‍ സംഘടിപ്പിക്കുന്ന വിവിധ പരീക്ഷകള്‍ വഴി വിവിധ കേന്ദ്ര സര്‍ക്കാര്‍ ജോലികളിലേക്ക് എത്തിപ്പെടാന്‍ സാധിക്കും. ജോലിയുടെ സ്ഥിരത, ആകര്‍ഷകമായ ശമ്പളം, പ്രൊമോഷന്‍, അവധി, തുടര്‍ പഠനത്തിനുളള സാധ്യതകള്‍ എന്നിവയൊക്കെ കാരണം സര്‍ക്കാര്‍ സര്‍വീസിലേക്ക് തെരെഞ്ഞെടുക്കപ്പെടാനുളള പരീക്ഷകള്‍ എഴുതുന്നവരുടെ എണ്ണം ഇന്ന് വളരെ കൂടുതലാണ്.

എസ്.എസ്.സി സംഘടിപ്പിക്കുന്ന പരീക്ഷകളില്‍ വെച്ച് വളരെ മത്സരമുളളതും മികച്ച ജോലികള്‍ വാഗ്ധാനം ചെയ്യുന്നതുമായ പരീക്ഷകളിലൊന്നാണ് സി.ജി.എല്‍ (കംബയ്ന്‍ഡ് ഗ്രാജുവേറ്റ് ലെവല്‍). ഗ്രാജുവേഷന്‍ ആവശ്യമുളള തൊഴിലുകള്‍ക്കായി വര്‍ഷാവര്‍ഷം നടത്തപ്പെടുന്ന എക്‌സാമുകളിലൊന്നാണിത്. ഈ എക്‌സാം വിജയിച്ച് വരുന്ന മത്സരാര്‍ത്ഥികള്‍ക്ക് രാജ്യമെമ്പാടും തൊഴില്‍ ചെയ്യാനുളള അവസരങ്ങളുണ്ട്. ഉദ്യോഗാര്‍ത്ഥിയുടെ താത്പര്യത്തിനനുസരിച്ച് രാജ്യത്തിന്റെ വിവിധയിടങ്ങളില്‍ തൊഴില്‍ ചെയ്യാനുളള അവസരവും എസ്.എസ്.സി ഉദ്യോഗാര്‍ത്ഥികള്‍ക്ക് അവസരമൊരുക്കുണ്ട്.

എസ്.എസ്.സിയുടെ മാറിയ പരീക്ഷാ രീതിയെക്കുറിച്ച് ധാരണയുണ്ടാക്കി വെക്കുന്നത് പരീക്ഷയില്‍ മികച്ച റിസള്‍ട്ടും അതുവഴി ജോലിയും ഉറപ്പിക്കാന്‍ പരീക്ഷ എഴുതുന്നവര്‍ക്ക് അവസരമൊരുക്കുന്നുണ്ട്. രണ്ട് ഘട്ടങ്ങളിലായാണ് നിലവില്‍ സി.ജി.എല്‍ പരീക്ഷ സംഘടിക്കപ്പെടുന്നത്.
ആദ്യത്തേത് ഒബ്ജക്റ്റീവ് ടൈപ്പില്‍ ഉത്തരം എഴുതേണ്ട ഒന്നാം ഘട്ടമാണ്. ഇതില്‍ യോഗ്യത നേടാന്‍ കഴിഞ്ഞാല്‍ പിന്നീട് മൂന്ന് പേപ്പറുകളുളള രണ്ടാം ഘട്ടമാണ്. മൂന്ന് പേപ്പറുകളാണ് രണ്ടാം ഘട്ടത്തിലുളളത്. ആദ്യത്തെ പേപ്പര്‍ എല്ലാ മത്സരാര്‍ത്ഥിയും എഴുതേണ്ട കോമണ്‍ പേപ്പറാണ്.

രണ്ടാം പേപ്പര്‍ ജൂനിയര്‍ സ്റ്റാറ്റിക്കല്‍ ഓഫീസര്‍ തസ്തികയിലേക്ക് ഉളളവര്‍ക്ക് വേണ്ടിയിട്ടുളളതാണ്. അസിസ്റ്റന്റ്/ഓഡിറ്റര്‍ പോസ്റ്റിലേക്ക് അപേക്ഷിക്കുന്നവരുടേതാണ് പേജ് ത്രീ.രണ്ട് ഘട്ടത്തിലും ആവശ്യമായ യോഗ്യതാ മാര്‍ക്ക് നേടുന്നവര്‍ക്ക് മാത്രമെ, എസ്.എസ്.സിയുടെ വിവിധ ജോലികളിലേക്ക് യോഗ്യത ലഭിക്കുകയുളളൂ.രണ്ടാം ഘട്ട പരീക്ഷകളില്‍ ജനറല്‍ കാറ്റഗറിയിലുളളവര്‍ക്ക് 30 ശതമാനവും obc/ews കാറ്റഗറിയിലുളളവര്‍ക്ക് 25 ശതമാനവും മറ്റുളളവര്‍ക്ക് 20 ശതമാനം മാര്‍ക്കുമാണ് മിനിമം വേണ്ടത്. പരീക്ഷയുടെ നോട്ടിഫിക്കേഷന്‍ പുറത്ത് വിട്ടതിന് ശേഷമാകും എസ്.എസ്.സി സി.ജി.എല്ലിന്റെ സിലബസ് പുറത്ത് വിടുക. 2023ലെ സി.ജി.എല്‍ എക്‌സാമിനായി ഇതുവരെ 24,74,030 അപേക്ഷകളാണ് എസ്.എസ്.സിക്ക് ലഭിച്ചത്.

Content Highlights: ssc cgl selection process explained and check minimum qualifying marks

എസ്.എസ്.സിയുടെ ഡിഗ്രി ലെവല്‍ എക്‌സാമിന് തയ്യാറെടുക്കുകയാണോ? സെലക്ഷന്‍ പ്രക്രിയ, മിനിമം യോഗ്യതാ മാര്‍ക്ക് എന്നിവയെക്കുറിച്ച് അറിയാം