പാലക്കാട്: കേന്ദ്ര സര്‍ക്കാരിന്റെ വിവിധ ജനവിരുദ്ധ നയങ്ങള്‍ക്കെതിരേ സി.പി.ഐ വിവിധ കേന്ദ്രങ്ങളില്‍ സായാഹ്ന ധര്‍ണകള്‍ നടത്തി. സാധാരണക്കാര്‍ക്ക് ജീവിക്കാനാവാത്ത സാമ്പത്തികനയങ്ങള്‍ക്കെതിരേയും വര്‍ഗീയ പ്രോത്സാഹന നടപടികളിലൂടെയും ജനങ്ങളെ വിഭജിക്കുന്ന ബി.ജെ.പി നിലപാടിലും-ദലിത് പീഢനങ്ങള്‍ക്കും എതിരെയാണ് സി.പി.ഐ ദേശീയ പ്രക്ഷോഭപരിപാടികള്‍ സംഘടിപ്പിക്കുന്നത്. ഇതിന്റെ  ഭാഗമായി പാലക്കാട് ജില്ലയിലെ തെരഞ്ഞെടുക്കപ്പെട്ട 12 കേന്ദ്രങ്ങളില്‍ സായാഹ്ന ധര്‍ണകള്‍ നടത്തി.
ആലത്തൂര്‍ മണ്ഡലം കമ്മിറ്റിയുടെ നേതൃത്വത്തില്‍ വടക്കഞ്ചേരിയില്‍ നടന്ന ധര്‍ണ കെ.ഇ ഇസ്മയില്‍ ഉദ്ഘാടനം ചെയ്തു. എന്‍ അമീര്‍ സ്വാഗതവും സി.പി.ഐ, കെ.വി ശ്രീധരന്‍ അധ്യക്ഷനായി. കെ.ഇ ഹനീഫ, കെ രാമചന്ദ്രന്‍, വാസുദേവന്‍ തെന്നിലാപുരം, രാജി കൃഷ്ണന്‍കുട്ടി, എച്ച് ഹനീഫ, വി എ റഷീദ് സംസാരിച്ചു.
മലമ്പുഴ പുതുപ്പരിയാരം ഇന്റസ്ട്രിയല്‍ എസ്റ്റേറ്റ് ജങ്ഷനില്‍  കെ.പി സുരേഷ് രാജ് ഉദ്ഘാടനം ചെയ്തു. വി.എസ് രാമചന്ദ്രന്‍ അധ്യക്ഷനായി.
പാലക്കാട് മണ്ഡലം കമ്മിറ്റിയുടെ നേതൃത്വത്തില്‍  കണ്ണാടിയില്‍ നടന്ന ധര്‍ണ വിജയന്‍ കുനിശ്ശേരി ഉദ്ഘാടനം ചെയ്തു. എ.യു മാമച്ചന്‍ സ്വാഗതവും കെ വേലു അധ്യക്ഷനായി. പട്ടാമ്പി മണ്ഡലത്തിലെ വല്ലപ്പുഴയില്‍ നടന്ന ധര്‍ണ മുഹമ്മദ് മുഹ്‌സില്‍ എം.എല്‍.എ ഉദ്ഘാടനം ചെയ്തു. കോടിയില്‍ രാമകൃഷ്ണന്‍ അധ്യക്ഷനായി. ചിറ്റൂര്‍ മണ്ഡലം കമ്മിറ്റിയുടെ ആഭിമുഖ്യത്തില്‍ നടത്തിയ ധര്‍ണ കെ കൃഷ്ണന്‍കുട്ടി ഉദ്ഘാടനം ചെയ്തു.നെന്മാറ ടി സിദ്ധാര്‍ത്ഥന്‍ ഉദ്ഘാടനം ചെയ്തു. എം.എസ് രാമചന്ദ്രന്‍ അധ്യക്ഷനായി. മണ്ണാര്‍ക്കാട് മുരളീധരന്‍ നായര്‍ ഉദ്ഘാടനം ചെയ്തു. മണ്ഡലം സെക്രട്ടറി പി. ശിവദാസന്‍ അധ്യക്ഷനായി.