കണ്ണൂരിൽ വീട്ടുമുറ്റത്ത് കളിച്ചുകൊണ്ടിരുന്ന ഒന്നര വയസുകാരനെ തെരുവുനായ കടിച്ചുകീറി

കണ്ണൂർ: വീട്ടുമുറ്റത്ത് കളിക്കുകയായിരുന്ന ഒന്നര വയസുകാരനെ തെരുവുനായ കടിച്ചുകീറി. കണ്ണൂർ പാനൂർ കുനിയിൽ നസീർ - മുർഷിദ ദമ്പതികളുടെ മകൻ ഐസിൻ നസീറിനെയാണ് തെരുവുനായ ആക്രമിച്ചത്. ഗുരുതരമായി പരിക്കേറ്റ കുഞ്ഞ് കണ്ണൂരിലെ സ്വകാര്യ ആശുപത്രിയിൽ തീവ്രപരിചരണ വിഭാഗത്തിൽ ചികിത്സയിലാണ്.

ചൊവ്വാഴ്ച്ച രാവിലെയാണ് പാനൂർ അയ്യപ്പക്ഷേത്രത്തിന് സമീപമുള്ള വീട്ടിൽ വെച്ച് സംഭവമുണ്ടായത്. വീട്ടുമുറ്റത്തു കളിക്കുന്നതിനിടെയാണ് നായയുടെ കടിയേറ്റത്. കുട്ടിയുടെ കണ്ണ്, മൂക്ക്, ചെവി എന്നിവയ്‌ക്കെല്ലാം ഗുരുതരമായി പരിക്കേറ്റു. വായിലെ പല്ലുകളും നഷ്ടമായിട്ടുണ്ട്.