സുല്‍ത്താന്‍ ബത്തേരി: വയനാട് മുസ്‌ലിം ഓര്‍ഫനേജിനു കീഴില്‍ പ്രവര്‍ത്തിക്കുന്ന സുല്‍ത്താന്‍ ബത്തേരി ഡബ്ല്യു.എം.ഒ ഇംഗ്ലീഷ് സ്‌കൂളില്‍ സ്‌നേഹപൂര്‍വം സുപ്രഭാതം പദ്ധതി ആരംഭിച്ചു. സുല്‍ത്താന്‍ ബത്തേരിയിലെ എന്‍.സി ഹുസൈന്‍ ഹാജിയാണ് പത്രം സ്‌പോണ്‍സര്‍ ചെയ്തത്.
ശിഹാബ് തങ്ങള്‍ ഇസ്‌ലാമിക് അക്കാദമി ട്രഷറര്‍ എന്‍.സി ഹുസൈന്‍ ഹാജി സ്‌കൂള്‍ ലീഡര്‍ ആയിശാ സുഹാനക്ക് പത്രം ഉദ്ഘാടനം ചെയ്തു. കെ.എ നാസര്‍ മൗലവി പദ്ധതി വിശദീകരിച്ചു. പ്രിന്‍സിപ്പാള്‍ പി.സി രാഖി അധ്യക്ഷയായി. ഹെഡ്മാസ്റ്റര്‍ കെ.ജി ജോഷി, ഹാരിസ് ബനാന, ഉമര്‍ മൗലവി മണിച്ചിറ സംബന്ധിച്ചു.
1993 മുതല്‍ സി.ബി.എസ്.ഇ അഫിലിയേഷന്‍ ലഭിച്ച ഈ സ്ഥാപനത്തില്‍ ആധുനിക പഠന കലാകായിക സൗകര്യങ്ങളുമുണ്ട്. പ്രകൃതി രമണീയമായ കാംപസ് ഈ സ്‌കൂളിന്റെ പ്രത്യേകതയാണ്. 2015 ലെ സി.ബി.എസ്.ഇ പരീക്ഷയില്‍ ഉയര്‍ന്ന വിജയം നേടിയ ഈ വിദ്യാലയത്തിന് പി.എം ഫൗണ്ടേഷന്‍ നല്‍കുന്ന കെ.എ അബ്ദുല്‍ ഗഫൂര്‍ സ്മാരക അവാര്‍ഡ് ലഭിച്ചിരുന്നു. വിദ്യാര്‍ഥികളുടെ നാനോന്മുഖമായ പുരോഗതി ലക്ഷ്യമാക്കി വിവിധ പദ്ധതികള്‍ നടപ്പിലാക്കുന്നതോടൊപ്പം അധ്യാപകര്‍ക്ക് ട്രൈനിങ് കോഴ്‌സുകളും സ്‌കൂളിന് കീഴില്‍ നല്‍കി വരുന്നുണ്ട്.