ഈരാറ്റുപേട്ട: ദക്ഷിണ കേരള ലജനത്തുല്‍ മുഅല്ലിമീന്‍ ഈരാറ്റുപേട്ട മേഖല കമ്മിറ്റിയുടെ ആഭിമുഖ്യത്തില്‍ മേഖലയില്‍ നിന്നും ഹജ്ജിന് പോകുന്ന ഉസ്താതുമാര്‍ക്ക് യാത്രയയപ്പ് നല്‍കി.
മംബഉല്‍ഹൈറാത്ത് കോളജില്‍ നടന്ന ചടങ്ങില്‍ ഡി.കെ.എല്‍.എം ജില്ലാ പ്രസിഡന്റ് കെ.എച്ച് ഇസ്മായീല്‍ മൗലവി അധ്യക്ഷത വഹിച്ചു. മുഹമ്മദ് അഷ്‌റഫ് മൗലവി, അബ്ദുസലാം മൗലവി, ടി.എം. ഇബ്രാഹിം കുട്ടി മൗലവി, ശിഹാബുദ്ദീന്‍ മൗലവി, വി.പി സുബൈര്‍ മൗലവി, ഖലീല്‍ മൗലവി, വി.പി ഹമീദ് മൗലവി ഇഹ്‌റാം കിറ്റും വിതരണം ചെയ്തു. അഷ്‌റഫ് മൗലവി നന്ദി പറഞ്ഞു. ഹജ്ജിനു പോകുന്ന ടി.പി അനസ് മൗലവി, സിറാജുദ്ദീന്‍ മൗലവി, നവാസ് മൗലവി എന്നിവര്‍ മറുപടി പ്രസംഗം നടത്തി.