റിയാദ്: സഊദിയിൽ മലയാളി വൈദ്യുതി കേബിളിൽ നിന്നും ഷോക്കേറ്റ് മരിച്ചു. കൊല്ലം പള്ളിമുക്ക് സ്വദേശി ജമാൽ സലീമാണ് മരിച്ചത്. കൺസ്ട്രക്ഷൻ തൊഴിലാളിയായ ഇദ്ദേഹം ജോലി സ്ഥലത്ത് വെച്ചുണ്ടായ അപകടത്തിലാണ് മരിച്ചത്. ഹുഫൂഫ് ശാരി സിത്തീനിൽ ആയിരുന്നു താമസിച്ചിരുന്നത്.

രണ്ട് മാസമായി സന്ദർശന വിസയിൽ ഭാര്യയും മക്കളും എത്തിയിട്ടുണ്ട്. കുടുംബത്തോടൊപ്പം പെരുന്നാൾ കഴിഞ്ഞ് ഉംറ ചെയ്യാനിരിക്കെയാണ് സലീമിന്റെ നിര്യാണം.

മൃതദേഹം അൽഅഹസയിൽ തന്നെ മറവ് ചെയ്യുന്നതിനുള്ള നിയമനടപടികൾ സാമൂഹ്യ പ്രവർത്തകരുടെ നേതൃത്വത്തിൽ നടന്നു വരികയാണ്.